रावेर (प्रतिनिधी ) दि . 29 रावेर नगरपरिषदेच्या नाले सफाई मोहिमेत थातुरमाथुरपणा दिसून आला आहे. नागझिरी नाल्याच्या फक्त समोरील भागाची वरवर सफाई करण्यात आली असून, गाळ तसेच घाण अजून ही अनेक ठिकाणी मोठया प्रमाणात पडलेली आहे. नागरिकांकडून याबाबत प्रचंड नाराजी व्यक्त करीत नगरपरिषदेवर नाल्याची पूर्ण सफाई करण्याची जोरदार मागणी करण्यात येत आहे.
नागझिरी नाल्याच्या सफाईसाठी फक्त एका दिवसासाठी फोकलॅड मशिनचा वापर करून नाल्याच्या समोरील भागाचा गाळ गोळा करण्यात आला. परंतु, यामुळे नालेमधील घाण आणि गाळाचा संपूर्ण नाश होणे शक्य झालेले नाही. लक्षवेध न्यूजच्या दणक्याने सदर कामाला गती मिळाली असून, गोळा केलेल्या गाळाचे फेकण्याचे काम सुरु झाल्याची माहिती मिळाली आहे. मात्र, काही दिवसांनी पुन्हा ट्रॅक्टरच्या साहाय्याने गाळ नाल्याच्या बाजूला भरताना दिसून आला आहे, ज्यामुळे सफाई अपूर्ण असल्याचे स्पष्ट होते.
नगरपरिषदेवर नागरिकांनी टीका केली असून, नागझिरी नाल्याची संपूर्ण सफाई करण्याची मागणी केली आहे. फक्त समोरील भागाची सफाई करून काम पूर्ण झाले परंतु नागरिकांची अशी अपेक्षा आहे की नाल्याची पुर्णपणे सफाई झाली पाहीजे अजुन ही नाल्यात प्रचंड गाळ साचलेला आहे . त्यामुळे नाल्याच्या किनारावर राहणाऱ्या लोकांना या दुर्गंधीमुळे धोका निर्माण झाला आहे .
रावेर नगरपरिषदेने नागझिरी नाल्याच्या नाले सफाईसाठी एक महत्त्वाची आणि दीर्घकालीन योजना आखणे गरजेचे आहे. फक्त वरवरची सफाई करून नागरिकांची समस्या दूर होणार नाही. नागरिकांच्या आरोग्य आणि स्वच्छतेसाठी नाल्याची पूर्ण, व्यवस्थीत सफाई करणे आवश्यक आहे. नागझिरी नाल्याची पूर्ण सफाई झाल्याशिवाय येत्या पावसाळ्यात पाणी साचण्याचे आणि सांडपाणी प्रवाहात अडथळा येण्याचे धोके कायम राहतील. नागरिकांची हक्काची मागणी आहे .
