जळगाव (लक्षवेध न्युज नेटवर्क ) दि . 10 राज्य सफाई कर्मचारी आयोगाचे राज्य उपाध्यक्ष मुकेश सोनू सारवान हे जळगाव जिल्ह्यातील सफाई कामगारांच्या अडचणी आणि विविध समस्या जाणुन घेण्यासाठी जिल्हाधिकारी, मुख्य कार्यकारी अधिकारी जिल्हा परिषद, मनपा आयुक्त, आरोग्य व सामाजिक न्याय विभागाचे अधिकारी तसेच महात्मा फुले मागासवर्गीय विकास महामंडळाचे अधिकारी यांच्याशी बैठक घेणार होते. पण अचानक हा दौरा रद्द झाल्यामुळे सफाई कामगारांमध्ये नाराजी पसरली आहे.
मुकेश सोनू सारवान आणि राज्य सफाई कर्मचारी आयोगाचा महत्त्वाचा दौरा
राज्य सफाई कर्मचारी आयोगाचे उपाध्यक्ष मुकेश सोनू सारवान हे सफाई कामगारांच्या हक्क आणि त्यांच्या अडचणींसाठी सदैव तत्पर असतात. जळगाव जिल्हात सफाई कामगारांची संख्या व कामगारांच्या गरजा मोठ्या प्रमाणात आहेत, तेथे त्यांच्या भेटीला विशेष महत्त्व होते . राज्य सरकार आणि संबंधित विभागांनी सफाई कामगारांच्या कामाच्या परिस्थितीत सुधारणा करण्यासाठी अनेक योजना राबविल्या आहेत, परंतु तिथल्या कामगारांच्या समस्या अजूनही कायम आहेत.
दौरा रद्द होणे आणि कामगारांची नाराजी
मुकेश सोनू सारवान यांचा दि 10 व 11 जुलै रोजीचा जळगाव , भुसावळ , रावेर दौरा अचानक रद्द झाल्यामुळे सफाई कामगारां मध्ये नाराजी व्यक्त होत आहे . जळगाव जिल्ह्यातील अनेक सफाई कामगारांनी त्यांच्या अडचणी नोंदवण्यासाठी आणि त्यावर शासनाकडून उपाययोजना अपेक्षित केल्या होत्या. या अचानक दौरा रद्द मुळे सफाई कर्मचाऱ्यांच्या समस्यांना तुर्त स्थगिती मिळाली आहे .
