विवरे ॥ बु ॥ प्रतिनिधी (जमील शेख ) रावेर तालुक्यातील विवरे व परिसरात ७६ वा प्रजासत्ताक दिन उत्साहात साजरा करण्यात आला. विवरे येथील ग्रामपंचायत कार्यालय, मराठी शाळा, उर्दू शाळा, उर्दू इंग्लिश शाळा तसेच हास्यकुल येथे सकाळी ध्वजारोहण करण्यात आले.
विवरे येथील जिल्हा परिषद उर्दू शाळेत शेख रईस शेख फैजुल्ला यांच्या हस्ते ध्वजारोहण करण्यात आले. यावेळी मुख्याध्यापक, शिक्षकवृंद व विद्यार्थी मोठ्या संख्येने उपस्थित होते.
विवरे ग्रामपंचायत कार्यालयासमोर झालेल्या ध्वजारोहण प्रसंगी सरपंच युनूस तडवी, उपसरपंच विनोद मोरे, वासुदेव नरवाडे, विकास पाटील, युसुफ खाटीक आदी ग्रामपंचायत सदस्य तसेच नागरिक मोठ्या संख्येने उपस्थित होते.
तसेच विवरे खुर्द ग्रामपंचायत कार्यालयासमोरही ध्वजारोहण कार्यक्रम पार पडला. या वेळी सरपंच, उपसरपंच, सदस्य व ग्रामस्थांची लक्षणीय उपस्थिती होती.
याचबरोबर श्री. ग. गो. बेंडाळे विद्यालयातही ध्वजारोहण करण्यात आले. या प्रसंगी मुख्याध्यापक, शिक्षक, विद्यार्थी व संस्थेचे पदाधिकारी उपस्थित होते.
