फैजपूर दि . 30 प्रतिनिधी (आदित्य गजरे) यावल तालुक्यातील फैजपुर येथील मिल्लत नगर परिसरात गुरुवारी (दि. २९ ऑगस्ट २०२५) दुपारी झालेल्या एका दुर्दैवी घटनेत भुसावळ येथील २९ वर्षीय तरुणाचा उघड्या विहिरीत पडून मृत्यू झाला. याघटनेमुळे परिसरात खळबळ उडाली आहे.मृत तरुणाचे नाव मोहम्मद इस्माईल मोहम्मद आलम उर्फ शोलु (वय २९, रा. भुसावळ) असे असून, तो कामानिमित्त फैजपूर येथे आला असताना ही दुर्घटना घडली. दुपारी सुमारास तो मिल्लत नगर परिसरात चुकून रस्त्याच्या कडेला असलेल्या उघड्या विहिरीत पडला. पडल्याने गंभीर दुखापत होऊन त्याचा जागीच मृत्यू झाला.घटनेची माहिती मिळताच फैजपूर पोलीस ठाण्याचे सहाय्यक पोलीस निरीक्षक रामेश्वर मोताळे यांनी सहकाऱ्यांसह घटनास्थळी धाव घेतली. मृतदेह बाहेर काढून भुसावळ येथील ट्रॉमा केअर सेंटरमध्ये हलविण्यात आला. या प्रकरणी अकस्मात मृत्यूची नोंद करण्यात आली असून, पुढील तपास गुन्हे शोध पथकाचे पोलीस उपनिरीक्षक रशीद तडवी यांच्या मार्गदर्शनाखाली सुरू आहे.दरम्यान, या दुर्घटनेनंतर परिसरात हळहळ व्यक्त करण्यात येत आहे. तसेच उघड्या व असुरक्षित विहिरींवर तातडीने संरक्षक उपाययोजना करण्याची मागणी स्थानिक नागरिकांकडून करण्यात येत आहे.
