धामोरी ता. कोपरगाव दि. 17 (दत्तात्रय धुले ) कोपरगाव तालुक्यातील धामोरी गावात सुप्रसिद्ध साई होरिझन कंपनीच्या माध्यमातून मोफत आरोग्य शिबिराचे आयोजन करण्यात आले. श्री भैरवनाथ मंदिर चौक येथे झालेल्या या आरोग्य शिबिरामध्ये हाडांचे आजार, सांधेदुखी, दमा, अस्थमा यांसारख्या आजारांवर तज्ञांनी सखोल मार्गदर्शन केले.
या आरोग्य शिबिरात कोल्हार बुद्रुक येथील तज्ञ आरोग्य सल्लागार सुनील खर्डे सर व सुदर्शन मुसमाडे सर यांनी विविध आजारांविषयी प्रात्यक्षिकांसह माहिती दिली. तसेच मनमाड येथील फिटनेस क्लबच्या रूपालीताई खैरनार मॅडम व जालिंदर खैरनार सर यांनी शारीरिक तंदुरुस्तीविषयी उपयुक्त सल्ला दिला. धामोरी येथील टीमचे सदस्य व स्थानिक पत्रकार दत्तात्रय घुले व कैलास उसरे देखील उपस्थित होते, ज्यांनी या आरोग्य शिबिराच्या आयोजनास मार्गदर्शकपद दिले.
शिबिराचा मुख्य उद्देश गावातील नागरिकांना आरोग्याबाबत जागरूक करणे आणि हाडांचे विकार, सांधेदुखी, दमा, अस्थमा यांसारख्या आजारांची लवकर ओळख पटवून त्यावर योग्य उपाययोजना करणे हा होता. या शिबिरात स्थानिक महिला व पुरुष मोठ्या संख्येने सहभागी झाले आणि आरोग्य तज्ञांकडून वैद्यकीय सल्ला घेतला.
धामोरी आणि परिसरातील नागरिकांसाठी हे आरोग्य शिबिर अत्यंत उपयुक्त ठरले असून, पुढील काळात अशा प्रकारचे आरोग्य शिबिरे नियमितपणे आयोजित करण्याची तयारी असल्याचा आयोजकांनी दिला आहे.
धामोरी तालुक्यात आरोग्याची काळजी घेणारे हे मोफत आरोग्य शिबिर स्थानिकांसाठी खूपच उपयुक्त ठरले आहे. यामुळे परिसरात आरोग्यविषयक जागरूकता वाढेल आणि वेळेवर औषधोपचार होत राहतील, असा विश्वास आयोजकांनी व्यक्त केला आहे. साई होरिझन कंपनीच्या द्वारे या भागातील आरोग्य सेवेतील महत्त्वाच्या गरजांची पूर्तता करत अशा उपक्रमांची दखल घेतली पाहिजे.
