यावल दि 25 तालुका प्रतिनिधी ( मिलिंद जंजाळे ) प्रा. आरोग्य केंद्र साकळी अंतर्गत उपकेंद्र शिरसाड च्या माध्यमातून ग्रामपंचायत शिरसाड येथे दिनांक 25 ऑगस्ट 2025 रोजी टी बी मुक्त भारत अभियानांतर्गत निक्षय शिबिराचे आयोजन करण्यात आले. या शिबिरास जिल्हा आरोग्य अधिकारी मा. डॉ. सचिन भायेकर, जिल्हा क्षयरोग अधिकारी मा. डॉ. विशाल पाटील, मा. डॉ. शांताराम ठाकूर, तालुका आरोग्य अधिकारी मा. डॉ. राजू तडवी, तसेच प्रा. आ. केंद्र साकळीचे वैद्यकीय अधिकारी डॉ. मुकेश चौधरी व डॉ. स्वाती कवडीवाले यांचे मार्गदर्शनाने संपन्न झाला.
शिबिराचे उद्घाटन शिरसाड ग्रामपंचायत सरपंच दिपक इंगळे यांच्या अध्यक्षतेखाली झाले. उपसरपंच राजेंद्र सोनवणे, ग्रामपंचायत सदस्य तेजस पाटील, ग्रामपंचायत अधिकारी विजय सोळुंके यांसह प्रमुख मान्यवरांच्या उपस्थितीत कार्यक्रमास सुरुवात माता सावित्रीबाई फुले यांच्या प्रतिमेचे पूजन करून करण्यात आली.
या शिबिरात एकूण 86 संशयित रुग्णांची तपासणी करण्यात आली. त्यापैकी 33 जणांची थुंकी तपासणीसाठी, तर 27 जणांची एक्स-रे तपासणीसाठी पाठविण्यात आली. तसेच CY TB लसीकरण 15 जणांवर करण्यात आले.
शिबिर यशस्वी करण्यासाठी वैद्यकीय अधिकारी डॉ. स्वाती कवडीवाले, डॉ. मुकेश चौधरी, समुदाय आरोग्य अधिकारी डॉ. गजाला नदीम अक्तर, डॉ. आसेमा परवीन शेख, डॉ. मनिषा कोलंबे, आरोग्य सहाय्यक राजु तडवी, नितीन वाळूज, आरोग्य सेवक मकरंद निकुम, राजेश्वर निकुम, पुष्पजीत सोनवणे,संदीप पाटील, संजय अहिराव, आरोग्य सेविका सविता चौधरी, गटप्रवर्तक लिना पाटील तसेच आशा सेविका सविता मिस्तरी, सुनीता पाटील, कोमल कोळी, रंजना कोळी, पूनम पाटील, ज्योती मोरे यांनी परिश्रम घेतले.
