मुक्ताईनगर दि .22 (प्रतिनिधी ) मुक्ताईनगर तालुक्यात ग्रामपंचायत अधिकारी (ग्रामसेवक) एकनाथ चुडामण कोळी यांनी लाडकी बहिण योजनेचा लाभ घेतल्याचा प्रकार समोर आला आहे. हा प्रकार प्रशासन आणि स्थानिक प्रशासनात चर्चेचा ठरला आहे. जळगाव जिल्हा परिषदेच्या (जि.प) महिला कर्मचाऱ्यांनी या योजनेचा गैरवापर केल्याचे समोर आले आहे. या संदर्भात मुख्य कार्यकारी अधिकारी मिनल करनवाल यांनी शिस्तभंगाच्या कारवाईची माहिती दिली आहे.
लाडकी बहिण योजनेचा गैरवापर; ग्रामसेवकावर प्रश्नचिन्ह
ग्रामसेवक एकनाथ कोळी यांना 65 हजार रुपये पगार असूनही त्यांनी लाडकी बहिण योजनेअंतर्गत मिळू शकणाऱ्या 1500 रुपयांचा लाभ घेतला आहे. ही बाब स्थानिक प्रशासनात मोठ्या प्रमाणावर चर्चेचा विषय बनली आहे. सरकारी कर्मचाऱ्यांनी, विशेषत: सरकारी पदावर असलेल्यांनी अशा योजनांचा गैरवापर करणे प्रशासनिक नियमांचे उल्लंघन समजले जाते.
लाडकी बहिण योजना आर्थिक सहाय्य करण्यासाठी लागू करण्यात आलेली असून, ती खरेपणाने पात्र लाभार्थ्यांपर्यंत पोहचवणे हा उद्देश ठरतो. मात्र काही सरकारी कर्मचाऱ्यांनी किंवा ग्रामपंचायत अधिकारी यांनी या योजनेचा गैरफायदा घेतल्याने या योजनेच्या दर्जावर प्रश्नचिन्ह निर्माण झाले आहे.
शिस्तभंगाची काय आहे कारवाई ?
मुख्य कार्यकारी अधिकारी मिनल करनवाल यांनी स्पष्ट केले आहे की, या प्रकारातील सर्व गैरवापर करणाऱ्यांवर कडक शिस्तभंगाची कारवाई केली जाईल. तसेच लाभ घेतलेली रक्कम वसुल करण्यात येणार आहे. जळगाव जिल्हा परिषदेच्या महिला कर्मचाऱ्यांनी लाडकी बहिण योजनेचा लाभ घेतल्याचे प्रकरण ही तपासाधीन असून, नियम मोडल्यास कठोर कारवाईची कार्यवाही होणार आहे.
मुक्ताईनगर तालुक्यातील ग्रामपंचायत अधिकारी एकनाथ कोळी यांचे लाडकी बहिण योजनेचा लाभ घेणे हा प्रकार प्रशासनात एक गंभीर विषय ठरला आहे. सरकारी अधिकारी म्हणून कर्तव्यपालन करणे आवश्यक असताना, अशा गैरवर्तणुकीमुळे स्थानिक प्रशासनाचे प्रतिमान धोक्यात येते. याप्रकरणी प्रशासनाने कडक शिस्तभंगाची कारवाई निश्चित केली आहे ज्यामुळे इतर सरकारी कर्मचाऱ्यांना शहाणपणाने नियमांचे पालन करण्याची सक्ती होईल. लाडकी बहिण योजनेच्या योग्य अंमलबजावणीसाठी आणि वास्तविक लाभार्थ्यांना न्याय मिळावा यासाठी प्रशासनाने तत्परतेने पुढाकार घेणे आवश्यक आहे.
प्रतिक्रिया –
दि .२२ रोजी काही माध्यमांमधून माझ्या बाबत लाडली बहीण योजना संदर्भात चुकीची माहिती प्रसारित झालेली आहे. या प्रकरणाबाबत स्पष्ट करणे आवश्यक आहे की –
मी, एकनाथ चुडामण कोळी, ग्रामसेवक – उचंदे, तसेच माझ्या कुटुंबातील कोणत्याही सदस्याने सदर योजनेचा लाभ घेतलेला नाही. योजनेअंतर्गत कोणते ही अर्ज किंवा एप्लीकेशन सुद्धा आम्ही केलेले नाही.
माझ्याबद्दल चुकीची माहिती प्रसारित झाल्यामुळे गावकऱ्यांमध्ये वाचकांमध्ये गैरसमज निर्माण होऊ नये म्हणून मी हे स्पष्टीकरण देत आहे. समाजात अफवा न पसरता सत्य माहितीच प्रसारित व्हावी, हीच अपेक्षा.
– एकनाथ चुडामण कोळी
ग्रामसेवक, उचंदे
