यावल दि . १तालुका प्रतिनिधी ( मिलिंद जंजाळे )
यावल तालुका शिक्षण विभाग आयोजित तालुका स्तरीय कबड्डी स्पर्धेचे आयोजन दिनांक २८ ऑगस्ट २०२५ रोजी विकास विद्यालय सातोद येथे करण्यात आले. या स्पर्धेत वयोगट १४ वर्षे व १९ वर्षे अशी दोन गटांतील मुलांची सामने घेण्यात आले. स्पर्धेत एकूण १४ संघांनी सहभाग नोंदविला.
या स्पर्धेत साकळी येथील अंजुमन-ए-इस्लाम उर्दू विद्यालयाने दोन्ही गटात विजेतेपद पटकावून गावाचे नाव उज्ज्वल केले.
१४ वर्ष वयोगटात जे.टी. महाजन सेमी इंग्लिश मीडियम स्कूल, फैजपूर उपविजेते ठरले.
१९ वर्ष वयोगटात अँग्लो उर्दू हायस्कूल, मारूळ उपविजेते ठरले.
स्पर्धेच्या अध्यक्षस्थानी विकास विद्यालय सातोदचे मुख्याध्यापक एच.डी. पाचपोळे होते. प्रमुख पाहुणे म्हणून शाळेचे चेअरमन एस.टी. पाटील, संचालक मंडळ सातोद, तालुका क्रीडा समन्वयक दिलीप संगेले तसेच विविध शाळांचे क्रीडा शिक्षक उपस्थित होते. कार्यक्रमाचे सूत्रसंचालन पी.बी. वानखेडे यांनी केले. प्रास्ताविक पर्यवेक्षक व क्रीडा शिक्षक के.आर. सोनवणे यांनी केले तर आभार प्रदर्शन एच.पी. चौधरी यांनी मानले. स्पर्धा यशस्वी करण्यासाठी विकास विद्यालय सातोदचे सर्व शिक्षक व शिक्षकेतर कर्मचारी यांनी परिश्रम घेतले.
अंजुमन उर्दू विद्यालयाच्या या यशाबद्दल सर सैय्यद एज्युकेशन सोसायटी साकळीचे अध्यक्ष हाजी सत्तार खान, उपाध्यक्ष सैय्यद अहमद व इस्माईल खान, चेअरमन हाजी निसार खान, सचिव के.बी. खान तसेच सर्व पदाधिकारी व सभासद, मुख्याध्यापक इरफान खान, शिक्षक व कर्मचारी यांनी विद्यार्थ्यांचे अभिनंदन करून त्यांना उज्ज्वल भविष्यासाठी शुभेच्छा दिल्या.
या यशामागे विद्यालयाचे क्रीडा शिक्षक फैसल खान व युसूफ खान यांचे मोलाचे मार्गदर्शन लाभले. संस्थेच्या वतीने त्यांचाही विशेष आभार मानण्यात आले.
