रावेर दि .16 (प्रतिनिधी) रावेर तालुक्यातील बक्षीपुर येथील जि.प.मराठी शाळेत 15 ऑगस्ट स्वातंत्र्यदिनानिमित्त गावातील इ.१० वी ते पदवीधर सन २०२३ ते २०२५ या शैक्षणिक वर्षात प्राविण्य मिळविलेल्या गुणवंत विद्यार्थ्यांचा सत्कार समारंभ व पारितोषिक वितरण कार्यक्रमाचे आयोजन करण्यात आले होते.
शाळेतील झेंडा ज्ञानेश्वर नानाशेठ नाईक यांच्या हस्ते फडकविण्यात आला. तसेच गावातील विद्याथ्यांचे मनोबल वाढून त्यांच्यातील सुप्त गुणांना वाव मिळावा यासाठी न.पा. सेवानिवृत्त कर्मचारी आर.आर.महाजन यांनी गुणवंत विद्यार्थ्यांचा सत्कार करून त्यांना परितोषिक मान्यवरांच्या हस्ते वितरीत करण्यात आले.
सदर पारितोषिक आर.आर.महाजन, ज्ञानेश्वर नाईक, मुख्याध्यापिका मेघाली ठाकूर, ग्रामपंचायत अधिकारी कविता रतन बोदडे, सरपंच वंदना महाजन, शा.व्य.स.अध्यक्ष कैलास महाजन, संतोष कराड, सुभाष महाजन, राहुल महाजन, सुनील महाजन, स्वप्निल पाटील यांच्या हस्ते गुणवंत विद्यार्थ्यांचा सत्कार करण्यात आला. त्यात वैष्णवी मनोज सोनार, गायत्री संजय महाजन, रोहिणी लीलाधर महाजन, हर्षाली राजू महाजन, राजेश्वरी मोहन महाजन, साक्षी गणेश नाईक, गायत्री विलास महाजन, भाविका गजानन महाजन, चैताली मुकेश महाजन, मानसी प्रमोद महाजन, वैष्णवी विनोद चौधरी, हर्षल आत्माराम महाजन यांचा समावेश आहे.
याप्रसंगी जि.प.शिक्षिका, ग्रामपंचायत सर्व सदस्य, ग्रामस्थ महेंद्र आर.महाजन, गणेश महाजन, मनोज सोनार, संजय महाजन, राजू महाजन, राजाराम महाजन, वसंत महाजन, संतोष महाजन, मधुकर महाजन, अनंत महाजन, अमोल महाजन, जीवन सोनार, विपुल महाजन, विशाल महाजन, युवराज महाजन, निखिल महाजन आदी उपस्थित होते. कार्यक्रमाचे सूत्रसंचलन अर्चना बिल्लोरे यांनी केले तर आभार योगेश आर. महाजन यांनी मानले.
