विशेष म्हणजे, रावेर तालुक्यात प्रथमच असा उपक्रम राबविण्यात येत असून, समाजात सकारात्मक संदेश देणारा हा विवाह सोहळा ठरणार आहे.

या उपक्रमाअंतर्गत विवाहासाठी नोंदणी करू इच्छिणाऱ्या इच्छुक दिव्यांग वधू-वरांनी खालील पदाधिकाऱ्यांशी संपर्क साधून आपले नाव व आवश्यक कागदपत्रे सादर करावीत :

श्री संजय दिनकर बुवा (रावेर) – 9420072395

श्री . घनश्याम प्रभाकर हरणकर ( विवरे) – 9011261754

श्री .विशाल रत्नाकर कासार (सावदा) – 9623632322

श्री . रजनीकांत शामराव बारी (रावेर) – 9175069972

श्री . संदीप रामदास पाटील (केन्हाळा) – 9673301030

श्री .प्रवीण पुंडलिक धनगर (आटवडा) – 9158464687

श्री .कैलास पांडुरंग महाजन (कुसुंबा) – 8390187578

श्री .दिलीप हिरालाल जैन (सावदा)

सौ. ज्योती रजनीकांत बारी (रावेर)

आवश्यक कागदपत्रे :

१) आधार कार्ड (मूळ)

२) जन्म दाखला / शाळा सोडल्याचा दाखला

३) रेशन कार्ड

४) बँक पासबुक

५) दिव्यांग प्रमाणपत्र (UDID कार्ड)

या विवाह योजनेअंतर्गत शासनाकडून विशेष आर्थिक सहाय्य देखील दिले जाणार आहे.

वर-वधू दोघेही दिव्यांग असल्यास ₹2.5 लाख

एक जण दिव्यांग असल्यास ₹1.5 लाख अनुदान मिळणार आहे.

दिव्यांग व्यक्तींना मुख्य प्रवाहात आणण्याच्या आणि त्यांना प्रोत्साहन देण्याच्या हेतूने हा उपक्रम राबविण्यात येत असून, समाजातील सर्व घटकांनी या उपक्रमाला सहकार्य करावे, असे आवाहन संस्थेच्या वतीने करण्यात आले आहे.

हा विवाह सोहळा केवळ एक कार्यक्रम नसून, समाजातील समतेचा आणि संवेदनशीलतेचा संदेश देणारी चळवळ ठरणार असल्याचे मत व्यक्त होत आहे.

The post रावेरमध्ये प्रथमच दिव्यांगांचा सामूहिक विवाह सोहळा; समाजासाठी प्रेरणादायी उपक्रम appeared first on LAKSHWEDH NEWS.

🔹 बालपणातील संघर्ष

१४ एप्रिल १८९१ रोजी मध्यप्रदेशातील महू येथे जन्मलेल्या बाबासाहेबांनी अत्यंत प्रतिकूल परिस्थितीत बालपण व्यतीत केले. अस्पृश्यतेच्या कठोर सामाजिक बंधनांमुळे त्यांना शिक्षण घेताना अनेक अपमान सहन करावे लागले. शाळेत पाणी पिण्यासाठीही स्वतंत्र व्यवस्था नसणे, शिक्षकांचा भेदभाव—हे सर्व प्रसंग त्यांच्या मनावर खोल परिणाम करणारे ठरले.

🔹 शिक्षणाची जिद्द आणि परदेशातील यश

अडचणींना न जुमानता त्यांनी शिक्षणाचा मार्ग सोडला नाही. त्यांनी Columbia University आणि London School of Economics येथे उच्च शिक्षण घेतले. अर्थशास्त्र, कायदा आणि राज्यशास्त्र या विषयांत त्यांनी प्राविण्य मिळवले. त्यांच्या शैक्षणिक यशाने भारतातील वंचित समाजासाठी नवा आत्मविश्वास निर्माण केला.

🔹 सामाजिक चळवळीतील योगदान

बाबासाहेबांनी केवळ शिक्षणच घेतले नाही, तर समाज परिवर्तनासाठी सक्रिय भूमिका घेतली.

चवदार तळे सत्याग्रह (१९२७) : पाणी पिण्याचा अधिकार मिळवण्यासाठी त्यांनी ऐतिहासिक आंदोलन केले.

काळाराम मंदिर प्रवेश आंदोलन (नाशिक) : धार्मिक स्थळांमध्ये समान हक्क मिळवण्यासाठी त्यांनी संघर्ष केला.

हे प्रसंग त्यांच्या नेतृत्वगुणांचे आणि समानतेच्या लढ्याचे ज्वलंत उदाहरण आहेत.

🔹 भारतीय राज्यघटनेचे शिल्पकार

स्वातंत्र्यानंतर भारताच्या नव्या राष्ट्रनिर्मितीत त्यांचे योगदान अतुलनीय आहे. भारतीय राज्यघटना तयार करताना त्यांनी समानता, स्वातंत्र्य, बंधुता आणि न्याय या तत्वांना प्राधान्य दिले.

त्यांच्या नेतृत्वाखाली तयार झालेली राज्यघटना आजही भारताच्या लोकशाहीचा भक्कम पाया आहे.

🔹 बौद्ध धर्म स्वीकारण्याचा ऐतिहासिक निर्णय

१९५६ साली नागपूर येथे त्यांनी लाखो अनुयायांसह बौद्ध धर्म स्वीकारला. हा निर्णय सामाजिक समतेसाठीचा एक क्रांतिकारी टप्पा होता. त्यांच्या या कृतीमुळे समाजात नव्या विचारांची जागृती झाली.

🔹 प्रेरणादायी विचार

 “शिका, संघटित व्हा आणि संघर्ष करा”

हा त्यांचा संदेश आजही प्रत्येकासाठी मार्गदर्शक आहे.

🔹 आजच्या पिढीसाठी संदेश

डॉ. आंबेडकरांचे जीवन आपल्याला सांगते की, परिस्थिती कितीही कठीण असली तरी शिक्षण, मेहनत आणि आत्मविश्वास यांच्या जोरावर यश मिळवता येते. त्यांचे विचार केवळ वाचण्यापुरते नसून आचरणात आणणे आवश्यक आहे.

महामानव डॉ. बाबासाहेब आंबेडकर यांची १३५ वी जयंती म्हणजे केवळ स्मरणाचा दिवस नाही, तर त्यांच्या विचारांनुसार चालण्याचा संकल्प करण्याचा दिवस आहे. त्यांच्या कार्यामुळेच आज आपण समानतेच्या, न्यायाच्या आणि स्वातंत्र्याच्या वातावरणात जगत आहोत.

The post महामानव भारतीय राज्यघटनेचे प्रमुख शिल्पकार डॉ. बाबासाहेब आंबेडकर यांच्या १३५ व्या जयंतीनिमित्त विशेष लेख appeared first on LAKSHWEDH NEWS.

केळी, मका व कपाशी या पिकांना मिळणाऱ्या अत्यल्प दरामुळे शेतकऱ्यांवर दुहेरी आर्थिक संकट कोसळल्याचे सांगण्यात आले. यामुळे सावरणे कठीण झाल्याची भावना शेतकऱ्यांनी व्यक्त केली.

दरम्यान, अंतुर्ली गावात व परिसरात वादळामुळे झाडे पडून घरे उध्वस्त झाली, छप्पर उडाले; मात्र अनेक ठिकाणी पंचनामे झाले नसल्याची तक्रार नागरिकांनी केली. यावर रक्षा ताई खडसे यांनी महसूल विभागातील तलाठी श्री मराठे व ग्रामसेवक यांना तात्काळ पंचनामे पूर्ण करण्याच्या सूचना दिल्या.

तसेच इच्छा पूर्ण फाटा, अंतुर्ली गाव व बेलसवाडी रोड परिसरात वाढत्या गावठी दारू, ताडी, सट्टा, पत्ता व गांजा व्यवसायाबाबत नागरिकांनी नाराजी व्यक्त केली. यावर अंतुर्ली आउटपोस्टचे हेड कॉन्स्टेबल श्री भोई यांना बोलावून कडक शब्दांत कारवाईचे आदेश देण्यात आले. “या अवैध व्यवसायामुळे अनेक कुटुंबे उद्ध्वस्त होत असून तरुण पिढी व्यसनाधीन होत आहे, तात्काळ कठोर कारवाई करावी,” असे त्यांनी स्पष्ट केले.

यासंदर्भात मुक्ताईनगर येथील सहाय्यक पोलीस निरीक्षक श्री चाटे व जळगाव पोलीस अधीक्षक यांच्याशी दूरध्वनीद्वारे संपर्क साधून आठ दिवसांत ठोस परिणाम दिसावेत, अशा सूचना देण्यात आल्या.

अंतुर्ली येथील सेंट्रल बँकेत प्रचंड गर्दी होत असल्याने महिलांसह खातेदारांना तासंतास प्रतीक्षा करावी लागत असल्याची तक्रार ही यावेळी करण्यात आली. यावर सुशिक्षित बेरोजगारांना पैसे जमा व काढण्यासाठी सेवा केंद्र (पॉईंट) सुरू करण्याचा प्रस्ताव मांडण्यात आला. तसेच काही कर्जदारांची बचत खाती ब्लॉक करण्यात आल्याबाबतही तक्रार करण्यात आली. यावर बँक व्यवस्थापक श्री गोपाळ पाटील यांच्याशी संपर्क साधून तात्काळ तक्रारींचे निराकरण करण्याच्या सूचना देण्यात आल्या.

बैठकी दरम्यान शेतकरी व नागरिकांनी विविध समस्या मांडल्या असून प्रशासनाने तातडीने उपाययोजना कराव्यात, अशी मागणी करण्यात आली.

The post अंतुर्लीत नुकसानग्रस्त शेतकऱ्यांची पाहणी; समस्या सोडविण्याच्या सूचना appeared first on LAKSHWEDH NEWS.

मिळालेल्या माहितीनुसार, मौजे लाख तांडा (ता. पाचोरा) येथील अल्पवयीन मुलगी घरी एकटी असताना आरोपी किशन प्रकाश बेलदार याने 16 मार्च 2026 रोजी घरात घुसून तिच्याशी अश्लील वर्तन करत जबरदस्तीने अतिप्रसंग करण्याचा प्रयत्न केला. पीडितेने आरडाओरडा केल्याने आरोपी घटनास्थळावरून पळून गेला.

या प्रकरणी 17 मार्च 2026 रोजी पिंपळगाव पोलीस स्टेशन येथे अनुसूचित जाती-जमाती अत्याचार प्रतिबंधक कायदा 1989, बालकांचे लैंगिक अपराधांपासून संरक्षण (POCSO) कायदा 2012 तसेच भारतीय न्याय संहिता 2023 अंतर्गत विविध कलमांन्वये गुन्हा दाखल करण्यात आला आहे.

तथापि, गंभीर स्वरूपाचा गुन्हा असूनही आरोपी अद्याप अटकेपासून दूर आहे. त्याची गुन्हेगारी पार्श्वभूमी असल्याचे सांगितले जात असून, राजकीय पाठबळामुळे त्याच्यावर कारवाई होत नसल्याचा आरोपही करण्यात येत आहे. त्यामुळे पीडित मुलगी व तिच्या कुटुंबामध्ये भीतीचे वातावरण निर्माण झाले आहे.

या पार्श्वभूमीवर, आरोपीला तात्काळ अटक करून पीडित कुटुंबाला पोलीस संरक्षण द्यावे, अशी मागणी आयु. आनंदभाऊ खरे यांनी उपविभागीय अधिकारी, वसमत यांच्या मार्फत राज्याच्या गृहमंत्र्यांकडे निवेदनाद्वारे केली आहे. अन्यथा राज्यव्यापी आंदोलन छेडण्याचा इशारा ही त्यांनी दिला आहे.

The post मोकाट फिरणाऱ्या आरोपीला तात्काळ अटक करा; पीडित कुटुंबाला संरक्षण द्या – आनंदभाऊ खरे यांची मागणी appeared first on LAKSHWEDH NEWS.

पाचोरा तालुक्यातील लाख तांडा येथे मागासवर्गीय समाजावर झालेल्या अन्याय प्रकरणी संबंधित गुन्हेगारांना तात्काळ अटक करून अन्यायग्रस्त कुटुंबाला न्याय मिळावा, अशी मागणी निवेदनाद्वारे करण्यात आली. तसेच या प्रकरणात प्रशासनाने तातडीने कारवाई न केल्यास रिपब्लिकन कामगार सेनेच्या वतीने तीव्र आंदोलन छेडण्यात येईल, असा इशाराही देण्यात आला.

समाज कल्याण मंत्र्यांच्या कार्यालयात निवेदन देताना रिपब्लिकन कामगार सेना राज्य समन्वयक विक्रम भाई खरे, उल्हासनगर शहर जिल्हाध्यक्ष हनुमंत वाघमारे, ठाणे जिल्हा कार्याध्यक्ष राजू दादा दोंदे, कोकण प्रदेश प्रमुख संघटक आकाश भाई गायकवाड व इतर सहकारी कार्यकर्ते उपस्थित होते.

सदर प्रकरणात शासनाने तातडीने लक्ष घालून अन्यायग्रस्तांना न्याय द्यावा, अशी मागणी यावेळी रिपब्लिकन कामगार सेनेच्या वतीने करण्यात आली.

The post मुंबई मंत्रालयात रिपब्लिकन कामगार सेनेचे निवेदन; अन्यायग्रस्तांना न्याय न मिळाल्यास आंदोलनाचा इशारा appeared first on LAKSHWEDH NEWS.

या मार्गावरून दररोज मोठ्या प्रमाणात शेतीमालाची वाहतूक केली जाते. तसेच शाळेच्या बसेस आणि अतुर्ली-मुक्ताईनगर परिसरातील नागरिकांची नियमित ये-जा सुरू असते. मात्र, डांबरीकरण न झाल्याने वाहनांच्या हालचालीदरम्यान मोठ्या प्रमाणात धूळ उडत आहे.

उडणाऱ्या धुळीचा थेट परिणाम शेतातील पिकांवर होत असून पिकांवर धुळीचा थर साचून त्यांच्या वाढीवर विपरीत परिणाम होत असल्याची तक्रार शेतकऱ्यांनी केली आहे. याशिवाय, उडणारी खडी आणि धुळीमुळे दुचाकी व चारचाकी वाहनधारकांना वाहन चालवताना मोठा धोका निर्माण झाला आहे.

या परिस्थितीमुळे अपघाताची शक्यता वाढली असून नागरिकांमध्ये भीतीचे वातावरण पसरले आहे. दरम्यान, या गंभीर समस्येकडे प्रशासन दुर्लक्ष करत असल्याचा आरोप ग्रामस्थांनी केला आहे.

संबंधित अधिकाऱ्यांनी तात्काळ लक्ष घालून रस्त्याचे अपूर्ण काम पूर्ण करून लवकरात लवकर डांबरीकरण करावे, अशी जोरदार मागणी नागरिक आणि शेतकरी वर्गातून होत आहे.

The post रावेर-पुनखेडा-पातोंडी मार्गाची दुरवस्था; डांबरीकरणाच्या विलंबामुळे नागरिक संतप्त खड्डे, सैल खडी आणि उडणाऱ्या धुळीमुळे अपघाताचा धोका; शेतकऱ्यांच्या पिकांनाही फटका appeared first on LAKSHWEDH NEWS.

जळगाव जिल्ह्यातील रावेर तालुक्यातून मध्य प्रदेश सीमेपर्यंत जोडल्या जाणाऱ्या बुऱ्हाणपूर अंकलेश्वर महामार्गाला डॉ. बाबासाहेब आंबेडकर यांचे नाव देण्याच्या मागणीसाठी दि. २३ मार्च २०२६ पासून रावेर तहसीलदार कार्यालयासमोर बेमुदत ठिय्या आंदोलन सुरू करण्यात आले होते. मात्र शासन प्रशासनाने आंदोलनाची संथ गतीने दखल घेतल्यामुळे निळे निशाण संघटनेचे संस्थापक अध्यक्ष आनंदभाऊ बाविस्कर यांनी दि. २६ मार्चपासून अन्न व पाण्याचा त्याग करून उपोषण सुरू केले.

त्यामुळे संघटनेच्या कार्यकर्त्यांमध्ये मोठ्या प्रमाणात संताप निर्माण झाला आणि आंदोलन तीव्र झाले. परिस्थिती गंभीर होत असल्याने प्रशासनाच्या हालचालींना वेग आला. नगरपरिषदेकडून तातडीने सर्वसाधारण सभेचे आयोजन करण्यात आले आणि एनएचएआयच्या संमतीनुसार बुऱ्हाणपूर अंकलेश्वर महामार्गाला अधिकृतरित्या डॉ. बाबासाहेब आंबेडकर यांचे नाव देण्याचा ठराव सर्वानुमते मंजूर करण्यात आला.

निर्णय झाल्यानंतर संघटनेचे संस्थापक अध्यक्ष आनंदभाऊ बाविस्कर यांनी नायब तहसीलदार संजय तायडे व नगरपालिका मुख्याधिकारी अविनाश गांगोडे यांचे आभार मानले. मनोगत व्यक्त करताना त्यांनी सांगितले की, “निळे निशाण संघटनेला मिळालेले हे यश फक्त यश नसून डॉ. बाबासाहेब आंबेडकर यांच्या नावाचा आम्हाला मिळालेला गौरव आहे.” असे सांगून त्यांनी अमरण उपोषणाची सांगता केली.

यानंतर शेकडो समाज बांधवांच्या उपस्थितीत डॉ. बाबासाहेब आंबेडकर यांच्या पुतळ्याला पुष्पहार अर्पण करण्यात आला. ढोल-ताशांच्या गजरात, फटाक्यांच्या आतषबाजीसह भीमसैनिकांनी जयघोष करत जल्लोष साजरा केला.

या प्रसंगी नगरसेविका अनिता तायडे, माजी नगरसेवक जगदीश घेटे, ॲड. दीपक तायडे, पंकज वाघ, प्रदीप सपकाळे, सावन मेढे आदी उपस्थित होते. तसेच कार्यक्रमाच्या यशस्वीतेसाठी सदाशिव निकम, संजय तायडे, विलास तायडे, महेंद्र कोचुरे, नारायण सवर्णे, विक्की जाधव, उदय वाघ, गोकुळ रायमळे, विशाल तायडे, विठ्ठल गाढे, महेंद्र कावडकर, अक्षय इंगळे, दिनेश ससाणे, मोहन ससाणे, आकाश निकम, अर्जुन तायडे, नंदा बाविस्कर, संगिताबाई घेटे, सुशिला बाविस्कर, अल्का जाधव, उज्वला वाघ, संध्या अटकाळे व इतर शेकडो कार्यकर्त्यांनी परिश्रम घेतले.

The post बुऱ्हाणपूर – अंकलेश्वर महामार्गाला डॉ. बाबासाहेब आंबेडकर यांचे नाव देण्याच्या मागणीला ऐतिहासिक यश… appeared first on LAKSHWEDH NEWS.

मिळालेल्या माहितीनुसार, अटवाडे येथील पशुवैद्यकीय दवाखान्याचे बांधकाम सध्या लॅटर लेव्हलपर्यंत पूर्ण झाले असून स्लॅब टाकण्याचे काम बाकी आहे. मात्र या कामासाठी शासनाकडून किती निधी मंजूर झाला, काम पूर्ण करण्याची मुदत किती आहे, तसेच मंजूर अंदाजपत्रकात कोणकोणत्या बाबींचा समावेश आहे याबाबत कोणतीही माहिती उपलब्ध करून देण्यात आलेली नाही.

बांधकामाच्या ठिकाणी कामाचा माहिती फलक लावलेला नसल्यामुळे कामाची रक्कम, ठेकेदाराचे नाव, कामाची मुदत, मंजूर निधी याबाबत ग्रामस्थांना कोणती ही माहिती मिळत नाही. शासनाच्या मार्गदर्शक सूचनांचे उल्लंघन होत असल्याचा आरोप करण्यात आला आहे.

तसेच, बांधकामासाठी वापरण्यात येणारे सिमेंट, वाळू, गिट्टी व इतर साहित्य अत्यंत निकृष्ट दर्जाचे असल्याचा आरोप तक्रारदारांनी केला आहे. साहित्य तपासणी अहवाल मागितला असता ठेकेदाराकडून उडवाउडवीची उत्तरे दिली जात असल्याचे तक्रारीत नमूद करण्यात आले आहे.

या बाबत गटविकास अधिकारी यांच्याकडे तक्रार करूनही अद्याप चौकशी करण्यात आलेली नाही. ISO नामांकन प्राप्त पंचायत समितीत तक्रारींकडे दुर्लक्ष होत असल्याचा आरोप करण्यात आला आहे.

त्यामुळे सदर बांधकामाची तात्काळ चौकशी करून काम थांबविण्यात यावे, निकृष्ट काम करणाऱ्या ठेकेदारावर कारवाई करावी व कामाची संपूर्ण माहिती सार्वजनिक करावी अशी मागणी करण्यात आली आहे.

या प्रकरणामुळे अटवाडे परिसरात चर्चा सुरू असून प्रशासनाने तातडीने कारवाई न केल्यास आंदोलनाचा इशारा देण्यात येण्याची शक्यता आहे.

The post निकृष्ट बांधकामामुळे अटवाडे पशुवैद्यकीय दवाखाना वादात… कामाचा फलक नाही, इस्टीमेट माहिती नाही; काम तात्काळ थांबविण्याची मागणी ग्रामपंचायत सदस्यांची मुख्य कार्यकारी अधिकाऱ्यांकडे तक्रार…… appeared first on LAKSHWEDH NEWS.

कार्यक्रमाची सुरुवात Karmaveer Bhaurao Patil यांच्या प्रतिमेचे पूजन करून करण्यात आली. त्यानंतर 1998-99 च्या बॅचच्या विद्यार्थ्यांची शाळेच्या आठवणींना उजाळा देत प्रतीकात्मक हजेरी घेण्यात आली. या बॅचमधील सुमारे 60 विद्यार्थी या कार्यक्रमासाठी उपस्थित होते.

यावेळी माजी शिक्षकांचा विशेष सत्कार करण्यात आला. व-हाडे सर, सांळुके सर, जगताप सर, बनकर सर, कोताडे सर, सौ. कोताडे मॅडम, माळी सर, पेटारे सर तसेच शिपाई कदम यांना पुष्पगुच्छ, शाल व श्रीफळ देऊन सन्मानित करण्यात आले.

कार्यक्रमात माजी विद्यार्थ्यांनी आपल्या सध्याच्या कार्यक्षेत्राबद्दल माहिती देत शालेय आठवणींना उजाळा दिला. कार्यक्रमाचे सूत्रसंचालन माजी विद्यार्थिनी चित्राताई कोल्हे यांनी केले. विशेष सत्कार सोहळ्यात माजी सैनिक रविंद्र आहिरे, रेल्वे पोलीस कर्मचारी प्रमोद गाडे, शेतकरी मनोज वाणी, चारुशिला पाटील (पाटबंधारे विभाग), सोनाली मांजरे, माणिक वर्षे, नवनाथ कदम, पोपट कदम, अनिल मांजरे, प्रमिला बैरागी, शरद पेंढारे, जयश्री कटारे, रविंद्र वाणी आदींचा सत्कार करण्यात आला.

कार्यक्रमाचे आभार प्रदर्शन अविनाश आहिरे यांनी केले. कार्यक्रमानंतर उपस्थितांसाठी महाभोजनाचे आयोजन करण्यात आले होते. तब्बल 28 वर्षांनंतर एकत्र आलेल्या माजी विद्यार्थ्यांनी जुन्या आठवणींना उजाळा देत केला. हा स्नेहमेळावा उत्साहपू भेटण्याचा संकल्प व्यक्त विरणात पार पडला.

The post 28 वर्षांनंतर भरली शाळा; धामोरी न्यू इंग्लिश स्कूलच्या माजी विद्यार्थ्यांचा स्नेहमेळावा उत्साहात appeared first on LAKSHWEDH NEWS.

नाशिक येथील संस्थेच्या कार्यालयात महाराष्ट्र अध्यक्ष उद्योजक रामकृष्ण बनसोडे व महिला प्रदेश अध्यक्षा भालेराव ताई यांच्या हस्ते दोघांनाही नियुक्तीपत्र देऊन सन्मानित करण्यात आले. यावेळी पुढील सामाजिक कार्यासाठी शुभेच्छा देण्यात आल्या.

प्रेम मोरे हे बुद्ध, शिवशाही, फुले, आंबेडकर, काशीराम यांच्या विचारांच्या चळवळीत गेल्या १७ वर्षांपासून सक्रिय असून बहुजन समाजाच्या सामाजिक, राजकीय व धार्मिक प्रश्नांवर सातत्याने कार्य करत आहेत. बहुजन समाज पार्टीचे एकनिष्ठ कार्यकर्ते म्हणून त्यांनी विचारसभा अध्यक्षपदापासून विविध जबाबदाऱ्या सांभाळल्या आहेत.

२०१७ मध्ये कोळकी पंचायत समिती, २०१९ मध्ये फलटण विधानसभा मतदारसंघ तसेच २०२६ मध्ये कोळकी व बरड जिल्हा परिषद गटातून बहुजन समाज पार्टीच्या हत्ती या निशाणीवर निवडणुका लढवल्या होत्या. सामाजिक कार्यासोबतच ते ग्रामपंचायत ऑपरेटर व ग्राम रोजगार सेवक म्हणूनही काम करत आहेत.

तसेच ते स्वतःचे दोन यूट्यूब चॅनेल चालवित असून हिरानाना फाऊंडेशन व भारतमाता महिला नारी निकेतन या संस्थांच्या माध्यमातून सामाजिक, शैक्षणिक व शासकीय योजनांबाबत जनजागृतीचे काम करत आहेत. पत्रकारितेचा अनुभव, संविधानिक पद्धतीने विचार मांडण्याची शैली आणि निर्भीड भूमिका यामुळे त्यांची स्वतंत्र ओळख निर्माण झाली आहे.

त्यांच्या या निवडीमुळे फलटण व परिसरात त्यांचे कौतुक होत असून विविध स्तरातून अभिनंदनाचा वर्षाव होत आहे.

The post फलटणच्या स्वाभिमानी युवानेतृत्व प्रेम मोरे यांची पश्चिम महाराष्ट्र राज्याध्यक्षपदी निवड सामाजिक चळवळीतील कार्याची दखल; सहपत्नी सुप्रिया मोरे यांचीही प्रदेश सचिवपदी नियुक्ती appeared first on LAKSHWEDH NEWS.