रावेर (लक्षवेध न्युज नेटवर्क ) रावेर तालुक्यातील नेहते गावातील बौद्ध समाजासाठी असलेल्या स्मशान भूमि गट क्रमांक २०६ मधील रस्ता पूर्णपणे बंद झाल्याने समुदायाला मोठा त्रास सहन करावा लागत आहे. मृतदेह नेणे व अंत्यसंस्कारासाठी अत्यावश्यक असलेला हा मार्ग शेतकऱ्यांनी बंद केला असल्यामुळे लोकांना मोठा अडथळा निर्माण झाला आहे. या समस्येवर मात करण्यासाठी बौद्ध समाजाच्या पदाधिकाऱ्यांनी निवेदन दिले असून, तातडीने रस्ता मोकळा करण्याची मागणी केली आहे.
स्मशान भूमीपर्यंतचा रस्ता बंद; बौद्ध समाजाला झालेला अडथळा
गट क्रमांक २०६ मध्ये असलेला रस्ता मृतदेह नेण्यासाठी आणि अंत्यसंस्कार पार पाडण्यासाठी अत्यंत गरजेचा आहे. मात्र, इतर शेतकऱ्यांनी हा मार्ग बंद केला असल्यामुळे बौद्ध समाजाला मोठा त्रास सहन करावा लागत आहे. या रस्त्याचा वापर केवळ सामाजिक तसेच धार्मिक दृष्टिकोनातून महत्त्वाचा आहे. अंत्यसंस्काराच्या पवित्र कार्यात अडथळा निर्माण होणं हे समाजासाठी दुःखद गोष्ट मानली जात आहे.
समाजाने दिले निवेदन – तातडीने रस्ता मोकळा करा
या गंभीर समस्येबाबत सामाजिक कार्यकर्ते रॉकी समाधान साबळे प्रल्हाद देवचंद साबळे, समाधान चावदस साबळे, नामदेव सुकदेव तायडे, जिजाबाई जंगलु गाढे, प्रभाकर टोपलु साबळे, बाळू सुका साबळे आणि भास्कर टोपलु साबळे यांचा समावेश असलेल्या बौद्ध समाजाच्या एका प्रतिनिधी मंडळाने प्रशासनाकडे तक्रार निवेदन सादर केले आहे. त्यांनी म्हटले आहे की, “मृत शरीर नेणे आणि अंत्यसंस्कार योग्य वेळेवर पार पाडण्यासाठी या रस्त्याचा वापर आवश्यक आहे. यामुळे लवकरात लवकर हा मार्ग मोकळा करून देणे अत्यंत गरजेचे आहे.
नेहते येथील बौद्ध समाजाच्या स्मशान भूमीच्या रस्त्याला आलेला अडथळा ही एक सामाजिक व धार्मिक समजुतीची बाब आहे. मृतदेह घेऊन जाण्याचा मार्ग बंद असणे हा केवळ वैयक्तिक त्रास नाही तर एक धार्मिक व सामाजिक अडसर आहे. त्यामुळे प्रशासनाने या तक्रारींकडे गांभीर्याने पाहणे, मार्ग ताबडतोब मोकळा करणे आणि समाजाच्या हितासाठी योग्य ते उपाययोजना करणे अत्यावश्यक आहे. बौद्ध समाजाच्या या मागणीला लवकरात लवकर न्याय मिळावी ही अपेक्षा व्यक्त केली जात आहे.
