कोपरगाव दि .29 तालुका प्रतिनिधि ( नवनाथ उल्हारे ) चासनळी – रयत शिक्षण संस्थेचे मारुतीराव दगडूजी तिडके पाटील माध्यमिक व उच्च माध्यमिक विद्यालय, चासनळी येथे राष्ट्रीय क्रीडा दिन उत्साहात साजरा करण्यात आला. या कार्यक्रमाचे अध्यक्षस्थान क्रीडा विभाग प्रमुख कोल्हे एम.एन. यांनी स्वीकारले. आपल्या अध्यक्षीय भाषणात त्यांनी सांगितले की, “खेळामुळे शारीरिक तंदुरुस्ती तर वाढतेच, पण मानसिक सबलता, संघभावना, नेतृत्वगुण व आत्मविश्वास देखील वृद्धिंगत होतो.”
कार्यक्रमाचे प्रमुख पाहुणे पर्यवेक्षक दवंगे एस.यू. होते. त्यांनी विद्यार्थ्यांना मार्गदर्शन करताना राष्ट्रीय क्रीडा दिनाचे महत्त्व पटवून दिले. “भारताचे हॉकीचे जादूगार ध्यानचंद यांच्या जयंतीनिमित्त राष्ट्रीय क्रीडा दिन साजरा केला जातो. विद्यार्थ्यांनी खेळाडूप्रमाणे शिस्तबद्ध जीवन जगावे व खेळातून जीवनमूल्ये शिकावीत,” असे ते म्हणाले.
या कार्यक्रमाचे सूत्रसंचालन सांस्कृतिक विभागप्रमुख श्री. कुशारे डी.एन. यांनी प्रभावीपणे केले. राष्ट्रीय क्रीडा दिनानिमित्त शाळेत विविध क्रीडा स्पर्धांचे आयोजन करण्यात आले. कबड्डी, खो-खो, धावण्याच्या शर्यती, गोळाफेक, रस्सीखेच यांसारख्या स्पर्धांमध्ये विद्यार्थ्यांनी उत्स्फूर्त सहभाग नोंदविला.
संपूर्ण कार्यक्रम यशस्वी करण्यासाठी श्री. मोरे आर.के. सारबंदे एन. एच, शेख आर. एन, कुशारे डी.एन.निळकंठ पी.ए. राऊत एस. एल, माळी ए.पी.गोडे एस. एम, बागुल जी. एम, थोरात के. जी, सोनवणे एस. व्ही. गुंजाळ बी.व्ही. कदम एन.आर. चौधरी एच. एस. भुजबळ पी.एच. गोपाळे एस. के. कापडणीस एच.डी. लांडगे व्ही.जे. पवार आर.बी. सोनवणे मॅडम, मोहन जाधव, पवार एस. एस. मंडलिक एस.टी. कापसे के.डी. यांनी परिश्रम घेतले.
