यावल तालुका प्रतिनिधी ( मिलिंद जंजाळे ) दि . 26
यावल तालुक्यातील साकळी येथे उद्या दि. 27 रोजी छत्रपती शिवाजी महाराजस्व समाधान शिबिराचे आयोजन आ. प्रा. चंद्रकांत सोनवणे यांच्या अध्यक्षतेखाली घेण्यात येणार असुन शिबिरास नागरिकांना शासकीय सेवा देण्यात येणार आहे. तरी नागरिकांनी शासकीय सेवांचा लाभ घ्यावा असे आवाहन आमदार प्रा. चंद्रकांत सोनवणे यांनी केले आहे.
साकळी येथे उद्या दि 27 रोजी छत्रपती शिवाजी महाराजस्व समाधान शिबिर अभियानाचे साकळी येथिल भवानी माता मंगलकार्यालयात सकाळी 11 वाजता आयोजन करण्यात आले आहे शिबिरात फैजपूर प्रांत अधिकारी, यावल तहसीलदार मोहनमाला माझीरकर, गटविकास अधिकारी डॉ मंजुश्री गायकवाड व विविध शासकीय विभागाचे अधिकारी उपस्थित राहुन सेतू सुविधा मार्फत नागरिकांना सुविधा पुरविल्या जाणार आहेत त्याच प्रमाणे रोजगार हमी योजना, रेशन पुरवठा विभाग, निवडणूक विभाग, भूमिअभिलेख, आरोग्य विभाग, कृषी विभाग, ग्रामविकास विभाग, महसूल विभागाअंतर्गत विविध योजना व सेवा नागरिकांना देण्यात येणार असल्याने साकळी सह साकळी मंडळातील नागरिकांनी सेवांचा उपस्थित राहुन जास्तीत जास्त लाभ घ्यावा असे आवाहन चोपडा यावल आमदार प्रा. चंद्रकांत सोनवणे यांनी केले आहे.
