यावल तालुका प्रतिनिधी ( मिलिंद जंजाळे ) यावल तालुक्यातील साकळी येथे छत्रपती शिवाजी महाराजांच्या शिवराज्याभिषेक दिनानिमित्त दि.६ जून रोजी साकळी ग्रामपंचायत कार्यालयात राजमुद्रा चित्रित केलेली भगव्या ध्वजपताकांची स्वराज्यभिषेक गुढी उभारून राजयभिषेक दिन साजरा करण्यात आला तर प्राथमिक आरोग्य केंद्र साकळी येथे ही मोठ्या उत्साहात राजयभिषेक दिन साजरा करण्यात आला. यावेळी ग्रामपंचायत मध्ये लोकनियुक्त सरपंच दिपक नागो पाटील यांच्या हस्ते शिवराज्याभिषेक गुढीचे पूजन करण्यात आले.
महाराष्ट्र गीत व राष्ट्रगीत यांच्या स्वरात गुढीला वंदन करण्यात आले.प्रसंगी ग्रामपंचायत सदस्य खतीब तडवी,परमानंद बडगुजर,मुकेश बोरसे,विनोद खेवलकर यांचे सह ज्येष्ठ कर्मचारी पंढरीनाथ माळी,वरिष्ठ लिपिक बाळकृष्ण तेली,कर्मचारी लीलाधर मोरे, सर्व कर्मचारी उपस्थित होते.शिवराज्याभिषेक गुढी उभारल्यामुळे परिसरात चैतन्याचे व उत्साहाचे आनंदाचे वातावरण निर्माण झालेले होते.तर साकळी येथिल प्राथमिक आरोग्य केंद्रात वैद्यकीय अधिकारी डॉ मुकेश चौधरी यांच्या हस्ते स्वराज्य संस्थापक राजेश्री छत्रपती शिवाजी महाराज यांच्या प्रतिमेचे पूजन करून व मानवंदना देऊन राजयभिषेक दिन मोठ्या उत्साहाने साजरा करण्यात आला. यावेळी प्राथमिक आरोग्य केंद्राचे वैद्यकीय अधिकारी डॉ मुकेश चौधरी, वैद्यकीय अधिकारी डॉ स्वाती कवडीवाले,सर्व समुदाय आरोग्य अधिकारी, आरोग्य सहाय्यक राजु तडवी, आरोग्य निरीक्षक नितीन वाळूज, आरोग्य सेविका मनिषा कोळी, अधिकारिचारिका वृषाली पाटील, मोनिका मेसेन, आरोग्य दुत मिलिंद जंजाळे, सफाईगार चेतन धमोने, रुग्ण वाहन चालक शोएब शेख शकील, आशा ताई लता बडगुजर, कीर्ती वाघ, संध्या जंजाळे, गोदावरी लोधी, यांच्या सह आरोग्य कर्मचारी व ग्रामस्थ मोठ्या संख्येने उपस्थित होते.
