रावेर दि . 4 (प्रतिनिधी ) लोहारा येथील शबनम तडवी यांच्या दुःखद निधनाने शैक्षणिक क्षेत्रात एक मोठा धक्का बसला आहे. आदिवासी मुलामुलींच्या शैक्षणिक आणि सामाजिक उन्नतीसाठी त्यांच्या कर्तृत्वामुळे ओळखल्या जाणाऱ्या शबनम तडवी यांचे दुःखद निधन झाले. त्यांनी दि .7 नोव्हे .2016 मध्ये प्राथमिक माध्यमिक अनुदानित आश्रम शाळा मोहमांडली येथे अधिक्षिका म्हणून आपली सेवा सुरु केली होती.
शैक्षणिक योगदान
शबनम तडवी यांचा त्यांचा शाळेचा कार्यकाळ हा 9 वर्षांचा होता. या काळात त्यांनी अनेक आदिवासी विद्यार्थ्यांच्या शिक्षणासाठी आणि त्यांच्या सामाजिक स्थिती सुधारण्यासाठी अनेक उपक्रम राबवले. त्यांचे कार्य विद्यार्थ्यांमध्ये शिक्षणाबाबत जागरूकता निर्माण करण्यात आणि त्यांना शाळेत आणण्यात महत्त्वाची भूमिका बजावलेली .
दुर्दैवी अंत
शबनम तडवी यांनी गेल्या 3 वर्षांपासून कॅन्सरच्या आजाराशी लढा दिला. त्यांना जळगाव येथील चांडक हॉस्पिटलमध्ये उपचार सुरू होते, परंतु दुर्दैवाने आज दि. 4 रोजी त्यांचे निधन झाले. त्यांच्या मृत्यूपश्चात पती, आई, वडील नातेवाईक , मित्र परिवार परिसरातील शिक्षणक्षेत्रात शोककळा पसरली आहे.
शबनम तडवी यांचे निधन केवळ त्यांच्या कुटुंबियांसाठीच नाही तर संपूर्ण शैक्षणिक क्षेत्रासाठी एक मोठा आघात आहे. त्यांच्या कार्याची आठवण सर्वांच्या हृदयात कायम राहील, आणि त्यांच्या प्रेरणादायी जीवनामुळे अनेक विद्यार्थी शिक्षित होवुन यशस्वी झाले आहेत .
