रेंभोटे प्रतिनिधी ( प्रशांत गाढे ) दि.17 रावेर तालुक्यातील शाळेच्या पहिल्याच दिवशी जि.प प्राथमीक शाळा रेंभोटे येथे इयत्ता पहिलीत दाखलपात्र मुलांचे स्वागत गुलाब पुष्प देऊन करण्यात आले.याप्रसंगी गावातील प्रथम नागरिक, सरपंच ग्रामपंचायत सदस्य,शाळा व्यवस्थापन समिती अध्यक्ष तथा गावातील ग्रामस्थ, शाळा व्यवस्थापन समितीचे सदस्य, ग्रामसेविका, अंगणवाडी सेविका, मदतनीस, शाळेचे मुख्याध्यापक व उपशिक्षिका यांनी आनंदमय वातावरणात नवगत विद्यार्थ्यांचे स्वागत गुलाब पुष्प देऊन, वाजत गाजत करण्यात आले. विशेष म्हणजे जिल्हा परिषद रेंभोटे शाळेमध्ये इयत्ता चौथीतील एका विद्यार्थिनीचा प्रवेश शाळेतील गुणवत्ता पाहून,व शिक्षकांचे काम पाहून शेजारील जवळच्या वाघाडी गावं येथील पालकाने आपल्या मुलीचा प्रवेश जिल्हा परिषद रेंभोटे शाळेमध्ये केला.
प्रवेशोत्सव कार्यक्रम प्रसंगी ग्रामपंचायत सदस्य प्रशांत गाढे, शाळा व्यवस्थापन समिती अध्यक्ष लक्ष्मीबाई गाढे, प्रल्हाद गाढे, जितेंद्र हंसकर, जितेंद्र भालेराव, विनायक पाटील, सुनील महाजन, विजय पाटील, आनंदा सपकाळे, गावाच्या ग्रामसेविका कपिला गावित, अंगणवाडी सेविका संध्या महाजन व अर्चना महाजन, मदतनीस प्रियंका कोचुरे व सविता पाटील, तथा शाळेचे मुख्याध्यापक निलेश पाटील व उपशिक्षिका भाग्यश्री बेंडाळे यांच्या हस्ते शाळेच्या पहिल्याच दिवशी विद्यार्थ्यांना शालेय गणवेश, बूट, पायमोजे व पुस्तके देण्यात आली. सर्व विद्यार्थी यांची गावातून प्रभात फेरी काढण्यात आली. मध्यान्न भोजना वेळी गोड पदार्थ देण्यात आले. अतिशय उत्साहात प्रवेशोत्सव साजरा करण्यात आला.
