यावल तालुका प्रतिनिधी (मिलिंद जंजाळे ) दि .12 यावल तालुक्यातील साकळी येथील सेवानिवृत माध्य.शिक्षक स्व.यशवंतलालजी रामलालजी जैन यांच्या ५ व्या पुण्यस्मरणानिमित्त दि.१० जुलै २०२५ रोजी जिल्हा परिषद मराठी मुलींची शाळा,साकळी या शाळेतील सर्व विद्यार्थिनींना स्व.जैन सर यांच्या पत्नी श्रीमती मंदाबाई जैन व मुलगा पंकज जैन व परिवाराकडून स्वखर्चातून अंकलिपी, नोटबुक आणि लेखन साहित्य अशा प्रकारच्या शैक्षणिक साहित्याची भेट स्वरुपात वितरण केले.जैन कुटुंबीय दर वर्षी स्व.यशवंतलालजी जैन सर यांच्या पुण्यस्मरणानिमित्त स्वखर्चातून वेगवेगळ्या प्रकारचे समाजोपयोगी कार्य करून वडिलांना भावपूर्ण आदरांजली वाहत असतात.यंदाच्या पुण्यस्मरणानिमित्त शाळेसाठी काय करता येईल ? याविषयी शिक्षक सचिन ढालपे सर यांच्याशी चर्चा केली असता शाळेतील बऱ्याच मुलींजवळ नोटबुक,अंकलिपी नाही तर काही जणांजवळ शैक्षणिक साहित्य सुद्धा नाही असे लक्षात आले.त्यामुळे या विद्यार्थिनींच्या शिक्षण प्रक्रियेत अडचण येत होती. ही शैक्षणिक दृष्ट्या महत्त्वाची उणीव लक्षात घेऊनच शाळेतील इयत्ता १ ते ४ च्या सर्व विद्यार्थीनींना सदरचे शैक्षणिक साहित्य देण्यात आले.सदर उपक्रमातून कौतुकास्पद अशी दातृत्वाची भावना दिसून आली.
या प्रसंगी माजी ग्रा.पं.सदस्य साहेबराव बडगुजर ग्रा.पं.सदस्य परमानंद बडगुजर, मुलांची शाळा व्यवस्थापन समिती अध्यक्ष सौरभ जैन (सर),पत्रकार चंद्रकांत नेवे,पालक आशिष नेवे, हिरालाल सोनवणे, सौ.भारती जैन, मुलींची शाळा व्यवस्थापन समितीच्या उपाध्यक्षा सौ.शोभा जैन,सौ.प्रियंका जैन,मुलींच्या शाळेच्या मुख्याध्यापिका पवार मॅडम तसेच सर्व शिक्षक -शिक्षिका वृंद तसेच विद्यार्थिनी उपस्थित होते.
