रावेर दि .13 प्रतिनिधी ( विनायक जहुरे ) रावेर पोलिस स्टेशन येथे दि. १२ ऑक्टो.25 रोजी गुरंन ४२५/२०२५ गा. न्या. संहीता कलम 303 (२) प्रमाणे बकरी चोरीचा गुन्हा दाखल होता.
सदर गुन्हयात फिर्यादी नामे फिरोज खान अकबर खान क्य-५३ रा. गांधी चौक रावेर यांनी दि. १२ ऑक्टो.रोजी त्यांची मालकीची दोन बकऱ्या कोणीतरी अज्ञात चोरट्याने चोरून नेले असल्या बाबत रावेर पोलिस स्टे.येथे गुन्हा दाखल होता.
सदर गुन्हा दाखल होताच गुन्हयाच्या एकंदर तपासात मा. पोलिस निरीक्षक सो यांनी रावेर गुन्हे शोध पथकास सूचना दिल्यावरुन आरोपीच्या शोधास संपर्ण भागातील सीसीटीव्ही फुटेज तपासण्यात आले. तसेच गुप्तबातमीदारा व्दारे माहीती घेण्याचा प्रयत्न करण्यात आल्यावरुन आरोपीची ओळख पटविण्यात पोलिसांना यश आले.
व आरोपी क्र. ०१) जितेन मदन सोळंकी, क्य-१९ रा. रसलपुर ०२) राजु मोहन मिलाला क्य २१ रा. केन्हाळा ता. रावेर यांना विश्वासात घेवुन विचारपुस केली असता त्यांनी गुन्हयाची कबुली देत गुन्हयातील चोरीच्या १३,०००/-रुपये किमतीच्या दोन बकऱ्या त्याच्या ताब्यातुन हस्तगत करण्यात पोलिसांना यश आले.
सदर गुन्हयात आरोपीना अटक करुन मा. न्यायालयात दोन दिवसांची पोलिस कोठडीची मागणी करण्यात आली आहे.
याप्रसंगी सदर कार्यवाही ही मा. डॉ. श्री महेश्वर रेडडी सो पोलिस अधिक्षक जळगांव, श्री अशोक नस्वाते सो अप्पर पो. अधिक्षक ,श्री अनिल बडगुजर सो.पोलिस उपअधिक्षक फैजपुर विभाग यांच्या मार्गदर्शनाने रावेर पो.स्टेशन चे पो.नी डॉ.विशाल जयस्वाल, गुन्हे शोध पथकातील पो.ना. कल्पेश आमोदकर, पो.शिपाई प्रमोद पाटील, विशाल पाटील, श्रीकांत चव्हाण, भुषण सपकाळे, म.पो.शि उषा मशाने यांनी आरोपीचा शोध घेतला असुन गुन्हयाचा पुढील तपास पोहेकॉ हमीद तडवी हे करीत आहेत .
