रावेर प्रतिनिधी ( विनायक जहुरे ) दि .13 सध्या सोशल मीडियावर आपली वेगळी ओळख निर्माण करणाऱ्या अनेक कलाकारांमध्ये रावेर तालुक्यातील पुनखेडा येथील तुषार रामचंद्र कोळी यांचे नाव विशेष चर्चेत आहे. त्यांचे अनोखे अभिनय आणि दैनंदिन जीवनातील प्रसंग सादर करण्याची शैली लोकांच्या मनात घर करून गेली आहे .
तुषार कोळीचा अभिनय – सोशल मीडियावर नवीन क्रांती
जळगाव जिल्ह्यातील तसेच मध्यप्रदेशच्या सीमेवर असलेल्या रावेर तालुक्यातील या तरुणाने आपल्या गावठी मराठी आणि खान्देशी बोली भाषेच्या माध्यमातून अभिनयाला अत्यंत नैसर्गिक रंग दिला आहे. इंस्टाग्राम आणि मिनी vlog च्या माध्यमातून तुषार आपल्या दैनंदिन दिनचर्येतील जीवनातील छोट्या-छोट्या प्रसंगांना नवे रूप देऊन लाखो तरुणांच्या मनावर अधिराज्य करत आहे.
यामुळे पुनखेडा या छोट्याशा गावाला जिल्हाभर आणि सीमावर्ती क्षेत्रात एक वेगळे ओळख मिळाली आहे. लोकांकडून मिळणाऱ्या प्रतिसादातून स्पष्ट होत आहे की, तुषार कोळी हा कलाकार स्थानिक भाषा आणि संस्कृतीची जोपासना करत असताना आपल्या कलाकृतींनी लाखो लोकांचे मन जिंकण्यासाठी पुढे आला आहे.
फॉलोअर्सची संख्या झाली 20 हजारांवर
इंस्टाग्रामवर 20 हजारांहून अधिक फॉलोअर्स मिळवणारा हा कलाकार केवळ मनोरंजनापुरता मर्यादित नाही तर राजकीय, सामाजिक क्षेत्रातील व्यक्तींपासून ही त्याला अनेकदा कौतुकाची थाप मिळाली आहे. तुषार कोळीच्या अभिनयाने खान्देश आणि मध्यप्रदेश भागातील युवकांमध्ये नवचैतन्य निर्माण झाले आहे. त्याच्या कला आणि बोलल्या जाणाऱ्या बोली भाषेमुळे तो जवळच्या गावांमध्ये ही उल्लेखनीय नाव कमावत आहे.
सोशल मीडियावर खात्रीशीर आणि स्थानिक संस्कृतीशी जोडलेले सादरीकरण करणारा तुषार कोळी हा पुनखेडा गावाचा अभिमान ठरला आहे. जळगाव जिल्हा व आसपासच्या भागांमध्ये त्याचा प्रभाव वाढत चालला असून, त्याच्या कार्यामुळे स्थानिक कलात्मकतेला नवे आयाम मिळाले आहेत. तुषार कोळीचा सोशल मिडिया वरील प्रवास अनेक तरुणांसाठी प्रेरणा आहे की, आपल्या मातृभाषा आणि संस्कृतीला जपत उत्कृष्टता साध्य करता येते.
रावेर तालुक्यातील पुनखेडा येथील तुषार कोळी हे स्थानिक बोलीभाषेतील कलावंत म्हणून सोशल मीडियावर नवे इतिहास रचत आहेत. त्यांच्या कलेमुळे खऱ्या अर्थाने या क्षेत्राची ओळख वाढत आहे आणि लाखो तरुण त्यांच्या कामाचा आदर करत आहेत. सोशल मीडियावर मराठी कलाकारांच्या वाढत्या संख्येत तुषारला यशस्वी भवितव्याची खात्री आहे.
