यावल दि . १ ( तालुका प्रतिनिधी ) महसूल विभागामार्फत राज्यात १ ऑगस्ट ते ७ ऑगस्ट पर्यंत राज्य शासनाने ठरून दिल्या प्रमाणे शासनाचे विविध उपक्रम राबविण्यात येणार असल्याची माहिती यावल तहसीलदार मोहनमाला नाझीरकर यांनी दिली असून नागरिकांनी या सप्ताहात लाभ घेण्याचे आवाहन हि केले आहे.
दि.३० जुलै रोजी महसूल मंत्री यांच्या अध्यक्षतेखाली vc द्वारा महाराष्ट्रातील जिल्हाधिकारी यांची सभा घेण्यात आली होती.त्या अनुषंगाने जिल्हाधिकारी जळगाव यांनी दि.३१ जुलै रोजी जळगाव जिल्ह्यातील तहसीदार यांची प्रांतअधिकारी यांच्या उपस्थित vc द्वारे सभा घेऊन मार्गदर्शन केले असता राज्य शासनाच्या महसूल विभागामार्फत १ ऑगस्ट ते ७ ऑगस्ट पर्यत महसूल सप्ताह साजरा करण्यात येणार असुन १ ऑगस्ट महसूल दिन साजरा करणे व महसूल सप्ताहाचे उदघाटन तसेच महसूल संवर्गातील कार्यरत /सेवानिवृत्त अधिकारी/कर्मचारी संवाद उत्कृष्ठ अधिकारी कर्मचारी यांना पुरस्कारांनी सन्मानित व उपस्थितांच्या हस्ते लाभार्थ्यांना विविध प्रमाणपत्र वितरण समारंभ होणार आहे.करण्यात येणार आहे .२ ऑगस्ट रोजी शासकीय जागेवर सन २०११ पूर्वीपासून रहिवास करीत असलेल्यांना प्रयोजनार्थ अतिक्रमण असलेल्या कुटुंबांपैकी अतिक्रमण नियामाकुल करण्यास पात्र असलेल्या कुटुंबांना अतिक्रमण जागांचे पट्टे वाटप करण्याचा कार्यक्रम होणार आहे. ३ ऑगस्ट रोजी पाणद शिवरस्ते मोजणी करून त्यांच्या दुतर्फा झाडे लावण्यास मंजुरी देण्यात येणार आहे.४ ऑगस्ट रोजी छत्रपती शिवाजी महाराज महाराजस्व अभियानाअंतर्गत प्रत्येक मंडळ निहाय शासन आपल्या दारी कार्यक्रम राबविण्यात येणार आहे.५ ऑगस्ट रोजी विशेष सहाय्य योजनेतील डीबीटी न झालेल्या लाभार्थ्यांना घरभेटी देऊन डीबीटी अनुदान वाटप करण्यात येणार आहे.६ ऑगस्ट रोजी शासकीय जमिनीवरील अतिक्रमण निष्कासित करणे व त्या अतिक्रमण मुक्त करणे शर्त भंग झालेल्या जमिनीबाबत शासन धोरणानुसार नियामाकुल करणे निर्णय घेण्यात येणार आहे.तर ७ ऑगस्ट रोजी M SANND धोरणाची अंमलबजावणी करणे व नवीन मानक कार्यप्रणाली प्रमाणे धोरण पूर्णत्वास नेणे आणि महसूल दिनाची सांगता समारंभ करण्यात येणार असल्याची माहिती यावल तहसीलदार मोहनमाला नाझीरकर यांनी दिली असून सदर सप्ताहात नागरिकांनी लाभ घेण्याचे आह्वान हि करण्यात आले आहे.
