यावल ( तालुका प्रतिनिधी मिलिंद जंजाळे ) यावल तालुक्यातील प्राथमिक आरोग्य केंद्र साकळी यांच्या माध्यमातून साकळी या गावाचे मान्सून पूर्व साथ रोगाचे सर्वेक्षण करण्यात आहे.
सविस्तर वृत्त असे की प्राथमिक आरोग्य केंद्र साकळी येथे यावल तालुका आरोग्य अधिकारी डॉ राजु तडवी यांच्या मार्गदर्शनाखाली प्राथमिक आरोग्य केंद्र साकळीचे वैद्यकीय अधिकारी डॉ. मुकेश चौधरी, डॉ स्वाती कवडीवाले यांच्या सुचनेवरून पावसाळा सुरु होण्याअगोदर साकळी गावात साथिच्या रोगाची लागण होऊ नये, गाव साथीच्या रोगान पासुन मुक्त राहिले पाहिजे यासाठी साकळी या गावात आरोग्य कर्मचारी यांनी गावातील गटार, डब्बके, पाणी शुद्धीकरण, याची पाहणी करून मान्सून पूर्व आरोग्य विभाग सतर्क झाले आहेत आणि गावातील गटारी, स्वच्छ ठेवण्याच्या ग्रामपंचायत विभागाला पत्र देऊन सूचना देण्यात आली आहे.गावातील सर्वेक्षण करतांना प्राथमिक आरोग्य केंद्राचे वैद्यकीय अधिकारी मुकेश चौधरी, आरोग्य सहाय्यक अरुण चौधरी, आरोग्य निरीक्षक नितीन वाळूज, आरोग्य सेवक संदीप पाटील, आरोग्य सेवक मकरंद निकुंभ, आरोग्य सेवक पुष्पजीत सोनवणे यांच्या सह आरोग्य कर्मचाऱ्यांनी सर्वेक्षण पाहणी केली.
