रावेर (प्रतिनिधी ) दि . 13 तालुक्यातील पाल येथील वनविभागाच्या प्रसिद्ध झुलत्या पुलाला दयनिक अवस्था झाल्याने पर्यटकांना काळजी निर्माण झाली आहे. या ऐतिहासिक झुलत्या पुलाच्या संरचनेत मोठ्या प्रमाणावर मोडतोड झाल्याची बातमी समोर आली आहे. ही मोडतोड निसर्गप्रेमी आणि स्थानिकांमध्ये चिंता निर्माण करत आहे. पुलाच्या सुशोभीकरणासाठी आणि आवश्यक दुरुस्ती कामांसाठी त्वरित निधीची आवश्यकता आहे .
झुलत्या पुलाची झालेली मोडतोड...
पाल येथील उद्यान परिसरात असलेल्या या झुलत्या पुलाला गेल्या वर्षाभरापूर्वी उतरती कळा लागलेली आहे .काही ठिकाणी झुलता पुल मध्य भागात तुटल्यामुळे पुलाची सुरक्षितता धोक्यात आली आहे. पर्यटकांनी व निसर्गप्रेमींनी हा पुल नाश होण्यापासून वाचवण्याचे आवाहन केले आहे. उद्यानाच्या सुशोभीकरणात झुलत्या पुलाची महत्त्वाची भूमिका बजावणाऱ्या या पुलाचा वापर एक मोठे पर्यावरणीय ठिकाण म्हणून होतो.
झुलत्या पुलाच्या सुशोभीकरणासाठी निधी गरज
नीट नेटकी दुरुस्ती आणि सुशोभीकरणासाठी सरकार तसेच वनविभागाने तातडीने निधी दिला पाहिजे, अशी मागणी स्थानिक रहिवाशांबरोबरच निसर्ग प्रेमी करत आहेत. या पुलाची झालेल्या मोडातोडी मुळे वनक्षेत्रातील नैसर्गिक सौंदर्य कमी झाले आहे. पुलाच्या दुरुस्तीमुळे पर्यटक व स्थानिकांना सुरक्षित आणि मनमोकळ्या मनाने पर्यावरणाचा आनंद घेता येईल.
आमदार अमोल जावळे यांचे लक्ष देण्याची गरज
पर्यावरण आणि सामाजिक कार्यात सक्रीय असलेले आमदार अमोल जावळे यांनीही या प्रकरणाकडे गांभीर्याने पाहण्याची गरज आहे .वनविभाग आणि स्थानिक प्रशासनाकडे लक्ष देण्याची आवश्यकता आहे. आमदार जावळे यांनी पुलाची तातडीने दुरुस्ती आणि सुशोभीकरणात आलेल्या अडचणी तसेच निधी उपलब्धतेवर लक्ष देण्याची मागणी केली आहे. त्यांनी पुलाच्या सुरक्षिततेसाठी आणि पर्यावरण संरक्षणासाठी वनविभागाचे सहकार्य आवश्यक असल्याचे ही म्हटले आहे.
निसर्ग प्रेमी आणि स्थानिकांची मागणी
निसर्ग प्रेमी आणि पाल परिसरातील नागरिकांनीही या पुलाच्या सुरक्षिततेसाठी शासनाकडे आणि वनविभागाकडे तातडीने उपाययोजना करण्याची मागणी केली आहे. त्यांनी पुलाच्या मोडतोडीवर तातडीने निधी उपलब्ध करून दुरुस्ती करण्याची मागणी केले आहे. ऐतिहासिक आणि पर्यावरणीय दृष्टीकोनातून या पुलाला वाचवणे अत्यंत गरजेचे असल्याचे स्पष्टीकरण त्यांच्याकडून देण्यात आले आहे.
पाल येथील झुलत्या पुलाला झालेल्या मोडतोडीमुळे वनविभाग आणि स्थानिक प्रशासनाला तातडीने उपाययोजना करावी लागणार आहे. पुलाच्या सुशोभीकरण आणि दुरुस्ती करिता निधीची आवश्यकता आहे . आमदार अमोल जावळे तसेच निसर्ग प्रेमी यांचा आवाज उचलणाऱ्या जाणा-या या प्रकरणात शासन आणि वनविभागांनी त्वरीत पावले उचलून पाल परिसरातील या महत्त्वाच्या पर्यावरणीय झुलत्या पुलाचे संरक्षण करणे आवश्यक आहे. पुलाच्या दुरुस्तीमुळेच येथील निसर्ग आणि पर्यावरणाची सुंदरता कायम राहणार आहे आणि स्थानिक तसेच पर्यटक एकत्र येऊन पर्यावरण संवर्धनासाठी पुढाकार घेण्याची गरज आहे .
