धामोरी दि .25 ( दत्तात्रय धुले ) कोपरगाव तालुक्यातील धामोरी येथील शैक्षणिक महाविद्यालय व शाळेच्या परिसरात कर्कश आवाजामुळे विद्यार्थ्यांचे शिक्षण प्रभावित होत असल्याची तक्रार स्थानिक पालक व माजी विद्यार्थ्यांकडून करण्यात आली आहे. न्यू इंग्लिश स्कूल व जिल्हा परिषद प्राथमिक शाळेच्या परिसरात काही व्यवसायिकांच्या इलेक्ट्रिक यंत्रसामग्रींचा शुकशुकाट, दुकानदारांचे गोंधळ, तसेच मोटार सायकल रिपेयरिंग हॉर्नचे आवाजांमुळे परिसरातील वातावरण संतुलित राहणे कठीण झाले आहे.
विद्यार्थ्यांचे लक्ष विचलित होत असल्याने पालकांकडून तीव्र नाराजी व्यक्त केली जात आहे. “शाळेतील शिक्षणावर या कर्कश आवाजांचा थेट परिणाम होतो, त्यामुळे योग्य ती दक्षता प्रशासनाने आणि शैक्षणिक विभागाने घ्यावी,” अशी मागणी पालक आणि समाजसेवक करत आहेत. धामोरीतील माजी विद्यार्थी तसेच सामाजिक कार्यकर्ते यांनी शैक्षणिक स्थळी आणि शाळेच्या परिसरात अशा आवाजांवर नियंत्रण ठेवण्यासाठी कडक कारवाई करण्याची मागणी केली आहे.
नवीन इंग्लिश स्कूल व जिल्हा परिषद प्राथमिक शाळेतील शिक्षक व मुख्याध्यापकांनी ही संबंधित व्यवसायिकांना समज नोटीस देण्याची गरज असल्याचे सांगितले आहे. तसेच शालेय व्यवस्थापक, शिक्षण विभाग आणि शाळा कमिटीने या प्रकरणाकडे लक्ष देऊन त्वरित कार्यवाही करावी, असे या निवेदनात व्यक्त करण्यात आला आहे.
धामोरी येथील शिक्षण विभागाचे अधिकारी व शाळा व्यवस्थापन समिती यांनी लवकर या समस्या लक्षात घेऊन योग्य ती खबरदारी घ्यावी, जेणेकरून येथील विद्यार्थ्यांच्या शिक्षणावर कोणता ही परिणाम न होता शांत वातावरणात अभ्यास करू शकतील.
धामोरी येथील शैक्षणिक महाविद्यालय व शाळेच्या परिसरातील कर्कश आवाजामुळे विद्यार्थ्यांचे शिक्षण प्रभावित होत आहे. पालक, शिक्षक व समाजसेवकांनी आवाजाचे स्रोत ओळखून त्यावर नियंत्रण ठेवण्याची आणि संबंधित अधिकार्यांनी त्वरित कारवाई करण्याची जोरदार मागणी केली आहे. शैक्षणिक क्षेत्रातील सुधारणा व विद्यार्थ्यांच्या उज्ज्वल भविष्यासाठी या बाबतीत लवकरात लवकर सकारात्मक पाऊले उचलण्याची गरज आहे.
