धामोरी दि 30 प्रतिनिधी (दतात्रय धुले ) कोपरगाव तालुक्यातीत धामोरी गावामध्ये परमपूज्य माताजी श्री निर्मला देवी प्रणित सहजयोग साधना व कुंडलिनी शक्ती जागृती कार्यक्रम मोठ्या भक्तिभावात आणि उत्साहात पार पडला.
या कार्यक्रमात गावातील नागरिक, महिला, युवक, वयोवृद्ध मोठ्या संख्येने सहभागी झाले. कार्यक्रमाची सुरुवात माताजींच्या प्रतिमेच्या पूजनाने करण्यात आली. त्यानंतर सहजयोगातील मूलभूत तत्वे, कुंडलिनी शक्ती म्हणजे काय व ती कशी जागृत होते, यावर मार्गदर्शन करण्यात आले.
विशेष म्हणजे सहजयोग ध्यानाच्या माध्यमातून मानसिक शांतता, शारीरिक स्वास्थ्य आणि आध्यात्मिक उन्नती कशी साधता येते, याचा अनुभव प्रत्यक्ष साधना सत्रातून सहभागी साधकांनी घेतला.
या कार्यक्रमांमध्ये साक्षात कुंडलिनी शक्ती काय आहे त्याची अनुभूती सर्व भाविकांना मिळाली. ज्या कुंडलीचे वर्णन संत श्रेष्ठ ज्ञानेश्वर महाराजांनी आपल्या सहाव्या व नवव्या अध्यायात केलेले आहे. जी कुंडलिनी शक्ती अनुभवण्याकरिता संसाराचा त्याग करून तपश्चर्या करावी लागते परंतु परमपूज्य श्री माताजी यांच्या कृपेत सर्वसाधारकांना कुंडली मे शक्ती जागृतीची अनुभूती चैतन्यांच्या माध्यमातून या कार्यक्रमांमध्ये त्याची अनुभूती प्राप्त झाली.
या कार्यक्रमाचे प्रास्ताविक मुंबई येथील पत्रकार राजेजी मनुजा यांनी केले. व सहज योगा बद्दल माहिती व सहजयोग ध्यान साधनेचे प्रात्यक्षिक अहिल्यानगर येथील उद्योजक उमेशजी तोगे साहेब यांनी केले व सर्वांचे आभार श्री विकास चव्हाण सर यांनी केले .
