रावेर दि . १५ (प्रतिनिधी ) देशाच्या स्वातंत्र्याचा अमृतमहोत्सवी कालखंड साजरा करताना थेरोळे ग्रामपंचायतीत ७८ वा स्वातंत्र्य दिन उत्साहात साजरा करण्यात आला. यावेळी ग्रामपंचायतीचे सरपंच शुभम पाटील (SP) यांनी १५ ऑगस्टच्या ध्वजारोहणाचा मान थेरोळे येथे तलाठी म्हणून कार्यरत व माजी सैनिक सुधीर इंगळे यांना बहाल करून त्यांचा गौरव केला.
ध्वजारोहणानंतर उपस्थित ग्रामस्थ, महिला बचत गट, शाळकरी विद्यार्थी व ग्रामपंचायत सदस्यांनी देशभक्तीपर घोषणा देत कार्यक्रमात सहभाग नोंदविला. या प्रसंगी सरपंच शुभम पाटील यांनी सांगितले की, “देशासाठी सेवा करणाऱ्या सैनिकांचा सन्मान करणे ही आपली कर्तव्यभावना आहे, आणि ग्रामपंचायत सदैव अशा सन्मानास पुढाकार देईल.”
कार्यक्रमाचे सूत्रसंचालन ग्रामसेवकांनी केले तर आभार उपसरपंचांनी मानले.
