जळगाव (लक्षवेध न्युज नेटवर्क ) दि .1 जळगाव जिल्ह्यात शालेय शिक्षण व्यवस्थेत गंभीर समस्या उभी असल्याचा आरोप राष्ट्रवादी महिला पक्षाच्या प्रदेशाध्यक्ष रोहिणी खडसे यांनी केला आहे. खडसे यांच्या मते, जिल्ह्यात अनेक शाळांमध्ये तब्बल 4 वर्गांना एकच शिक्षक शिकवत आहे. मराठी भाषेतील बेरोजगार तरुण शिक्षक असून ही हिंदी भाषिक शिक्षकांनी भरती करण्याच्या पद्धतीमुळे स्थानिक तरुणांना रोजगार मिळत नाही, असा तीव्र सवाल उपस्थित केला आहे.
शैक्षणिक व्यवस्थेतील भरणा भरतीचे संकट
जळगाव जिल्ह्यातील 32 शाळांमध्ये प्रति शिक्षक सुमारे चार वर्ग शिकवण्याचा अभ्यासक दिसून येतोय. ही स्थिती शिक्षकांची कमतरता आणि व्यवस्थापनातील अपयशाचे द्योतक आहे. शिक्षणाच्या दर्जावर प्रश्न उपस्थित केला जात असून, गुणवत्ता पूर्ण शिक्षण देणे अशक्य होण्याची शक्यता आहे. शिक्षक वर्गाचा भार वाढल्यामुळे विद्यार्थ्यांवर ही प्रतिकूल परिणाम दिसून येत आहे .
मराठी बेरोजगार तरुणांची समस्या
रोहिणी खडसे यांनी मराठी बेरोजगार तरुण शिक्षकांच्या अडचणी लक्षात घेण्याचा आग्रह धरला आहे. “आपल्या जिल्ह्यात मराठी भाषिक अनेक बेरोजगार शिक्षक आहेत. तरी ही हिंदी भाषिक शिक्षक भरती करून स्थानिक तरुणांना रोजगार कमी का दिला जातो?” असा प्रश्न खडसे यांनी शासनाला आणि संबंधित अधिकार्यांना विचारला आहे. स्थानिक भाषिकांच्या रोजगारावर परिणाम होत आहे, तर त्यामुळे स्थानिक समुदायाची नाराजी वाढत आहे.
राजकीय आणि सामाजिक परिणाम
या विषयावर रोहिणी खडसे यांनी सरकार आणि शिक्षण विभागाकडे तातडीने लक्ष देण्याची मागणी केली आहे. शिक्षण व्यवस्था सुधारण्यासाठी योग्य नियोजन आणि स्थानिक बेरोजगार तरुणांना रोजगार देण्यासाठी प्रयत्न होण्याची गरज असल्याचे त्यांनी सांगितले. राजकीय पक्षांनी या समस्येकडे गांभीर्याने पहावे आणि स्थानिक समस्यांचे निराकरण करावे, अशी अपेक्षा व्यक्त केली आहे.
जळगाव जिल्ह्यातील शालेय शिक्षण व्यवस्था सुधारण्यासाठी स्थानिक भाषिक बेरोजगार तरुणांना रोजगार देणे अत्यंत आवश्यक आहे. शिक्षकांच्या संख्या आणि गुणवत्तेत सुधारणा केल्याशिवाय शैक्षणिक दर्जा आणि विद्यार्थ्यांच्या उज्ज्वल भविष्यासाठी धोका निर्माण होईल. शासनाने या बाबतीत त्वरित पावले उचलून स्थानिक तरुणांना प्राधान्य देण्याच्या उपाययोजना कराव्यात, अशी अपेक्षा आहे.
