रावेर दि .8 (प्रतिनिधी) एकात्मिक आदिवासी विकास प्रकल्प, यावल अंतर्गत रावेर तालुक्यातील पाल येथील आश्रम शाळा येथे कार्यरत असलेल्या श्री. मुकेश भास्कर कासार (मदतनीस) यांना त्यांच्या उत्तम कार्याची दखल घेत “शिक्षकेतर आदर्श कर्मचारी पुरस्कार” जाहीर करण्यात आला. जळगाव जिल्हा नियोजन समितीच्या सभागृहात नुकत्याच पार पडलेल्या भव्य कार्यक्रमात हा पुरस्कार प्रदान करण्यात आला.
या सन्मानप्राप्त प्रसंगी केंद्रीय युवक कल्याण व क्रीडा राज्यमंत्री श्रीमती रक्षाताई खडसे, आदिवासी विकास मंत्री श्री. अशोक उईके, वस्त्रोद्योग मंत्री श्री. संजय सावकारे, जिल्हाधिकारी डॉ. आयुष प्रसाद तसेच यावल प्रकल्प अधिकारी श्री. अरुण पवार या मान्यवरांच्या हस्ते श्री. कासार यांना सन्मानचिन्ह व प्रमाणपत्र प्रदान करण्यात आले.
श्री. मुकेश कासार हे गेल्या अनेक वर्षांपासून आश्रमशाळेत प्रामाणिकपणे कार्यरत असून, त्यांनी शाळेच्या प्रशासकीय कामकाजात उल्लेखनीय योगदान दिले आहे. वेळेचे पालन, कागदपत्र व्यवस्थापन, विद्यार्थ्यांच्या शाळेतील गरजांची पूर्तता, तसेच शाळेच्या शिस्तबद्ध व्यवस्थापनात त्यांचे योगदान मोठे आहे.
या गौरवप्रसंगी आश्रम शाळेचे मुख्याध्यापक श्री. गोविंद अत्तरदे, अन्य शिक्षकवृंद आणि शिक्षकेतर कर्मचारी उपस्थित होते. हा पुरस्कार मिळाल्याने संपूर्ण पाल आश्रमशाळेचा गौरव वाढला असून, रावेर तालुक्यातील आदिवासी शिक्षण व्यवस्थेतील एक आदर्श उदाहरण म्हणून श्री. कासार यांची नोंद झाली आहे.
स्थानिक पातळीवरून ते राज्यस्तरावर सन्मानित झाल्याने रावेर तालुक्यातून विविध स्तरातून त्यांच्यावर अभिनंदनाचा वर्षाव होत आहे .
या प्रसंगी माजी आमदार श्री. शिरीषदादा चौधरी, युवा नेतृत्व धनंजय भाऊ चौधरी, प्रकल्प अधिकारी अरुण पवार, सहाय्यक प्रकल्प अधिकारी पवन पाटील, सातपुडा विकास मंडळाचे अध्यक्ष श्री. झांबरे सर, सचिव अजितदादा पाटील, मुख्याध्यापक बी. जी. पारधी, तसेच सर्व शिक्षकवृंद आणि शिक्षकेतर कर्मचारी यांनी तिचे अभिनंदन करून पुढील वाटचालीसाठी शुभेच्छा दिल्या आहेत .
